Баян-Өлгий аймгийн Онцгой байдлын газрын хамт олон дотоод нөөц боломжоо ашиглан хээрийн нөхцөлд үүрэг гүйцэтгэхэд зориулагдсан “Хөдөлгөөнт удирдлагын байр”-ыг ашиглалтад орууллаа.

Хөдөлгөөнт удирдлагын байрыг цэргийн зориулалттай бүхээг, Зил-130 маркийн автомашины чиргүүл ашиглан хийсэн бөгөөд дотор нь дэлгэж ор болдог сандал, эвхэгддэг ширээ, бичиг баримт хадгалах шүүгээ, хувцасны шкаф, зуух, угаагуур, телевизор зэргийг байрлуулаад байна.

Мөн 12 В, 220 В-оор ажиллах гэрэлтүүлэг, разетка, бүх төрлийн гар утас, таблейт цэнэглэх цэнэглэгчийн оролт, чиргүүлийн доот хэсэгт түлээ болон бусад ахуйн зүйлс хийх зориулалттай хайрцагаар тоноглолоо гэж Баян-Өлгий аймгийн Онцгой байдлын газраас мэдээллээ.