ХСҮТ-ийн зүүн талд зөвшөөрөлгүй өргөтгөсөн барилгыг албадан буулгаж орц гарц нээв

Ц.Анударь / Нийслэл

Хавдар судлалын үндэсний төвд жилд 6000 гаруй иргэн хавдраар оношлогдож, өдөрт 1000 гаруй иргэн эмнэлгийн тусламж үйлчилгээ авдаг гэсэн судалгаа бий. Тус эмнэлгээр үйлчлүүлж буй иргэд яаралтай тусламж үйлчилгээ авахад ганцхан орц, гарцтайн улмаас нэлээд хүндрэл учирдаг тул эмнэлгийн удирдлагууд нийслэлийн Засаг дарга С.Амарсайханд хандсан байна. Нийслэлийн Засаг дарга бөгөөд Улаанбаатар хотын Захирагч С.Амарсайхан өнгөрсөн дөрөвдүгээр сард Хавдар судлалын үндэсний төв эмнэлэгт очиж ажиллах үеэрээ эмнэлгийн удирдлагууд болон бусад холбогдох албаныхантай эмнэлгийн орц, гарцыг нэмэгдүүлж болохуйц байршлуудыг газар дээр нь үзэж танилцаад, эмнэлгийн баруун талд буй оршин суугчдын байр болон эмнэлгийн ажилчдын орон сууц хоорондох замыг чөлөөлж орц, гарц нээх үүргийг нийслэлийн Газар зохион байгуулалтын алба болон нийслэлийн Автозамын хөгжлийн газарт өгч байв.

Хотын Захирагчийн өгсөн үүргийн дагуу Хавдар судлалын үндэсний төв эмнэлгийн баруун хойд талд таван автомашины гражийг буулгаж, газрыг чөлөөлсөн. Тухайн хэсэгт метрийн өргөнтэй явган хүний гарц, 7 метрийн өргөнтэй хоёр урсгалтай авто замыг нийслэлийн Автозамын хөгжлийн газраас тавьж тохижуулжээ. Мөн эмнэлгийн баруун урд хэсэгт зөвхөн яаралтай түргэн тусламжийн автомашин орж гарах газрыг чөлөөлж тохижуулж эхэлсэн байна.

Өнөөдөр ХСҮТ-ийн зүүн талд зөвшөөрөлгүй өргөтгөсөн цайны газрыг албадан буулгаж орц гарц нээж байна. Тус хэсэгт өргөтгөсөн цайны газар нь барилгыг өргөтгөх газрын зөвшөөрөлгүй, зөвхөн газар эзэмших эрхийн гэрчилгээтэй аж.

Тус цайны газрыг өргөтгөсөн аж ахуйн нэгжид газрыг чөлөөлж өгөхийг удаа дараалан тавьж байсан ч хувийн өмчид халдах эрхгүй гэх хуулийн заалтаар хаацайлуулан амжилт олоогүй талаар Хавдар судлалын үндэсний төвийн ерөнхий захирал, Анагаах ухааны доктор, дэд профессор Н.Эрдэнэхүү тайлбарлаж байлаа. Тэрбээр хэлэхдээ “Хавдар судлалын үндэсний төвөөр үйлчлүүлж байгаа иргэд автобусны зогсоолын хэсгээр л орж гардаг ганцхан гарцтайн улмаас яаралтай тусламжийн автомашин хүртэл орж гарахад хүндрэлтэй, цаг хугацаа алддаг. Хотын Захирагч С.Амарсайхан холбогдох албаныханд хугацаат үүрэг даалгавар өгсний үндсэн дээр таван байршилд газар чөлөөлөлт хийгдэж, орц гарцыг нэмэгдүүлж байгаад эмнэлгийнхний зүгээс болон өвчтөнүүдийн ар гэрийнхний өмнөөс гүнээ талархаж байна. Олон нийтийн эрх ашиг, иргэдийн эрүүл мэндтэй холбоотой чухал асуудлыг шийдэж өгсөн хотын Захирагч С.Амарсайханд баярлалаа” гэв.

Нийслэлийн Газар зохион байгуулалтын албаны дарга А.Энхманлай “Хотын Захирагчийн өгсөн үүрэг даалгаврын хүрээнд Хавдар судлалын үндэсний төв эмнэлгийн таван байршилд орц гарцыг нэмэгдүүлэхээр ажиллаж байна. Иргэд, аж ахуйн нэгжүүд хувийн эзэмшлээ дур мэдэн өргөтгөдөг байдлыг таслан зогсоож, зөвхөн эмнэлгийн Яаралтай түргэн тусламжийн автомашин нэвтрэх нэг урсгалтай замыг нээсэн. Өнөөдрийн хувьд хувийн эзэмшлээ дур мэдэн өргөтгөсөн аж ахуйн нэгжид замыг чөлөөлөх талаар мэдээлэл хүргүүлж, сонсох ажиллагаа явуулсан ч өнөөдрийг хүртэл ямар нэгэн зүйл хийгээгүй тул ийнхүү албадан буулгаж байна хэмээлээ.

Ийнхүү газар чөлөөлт хийгдсэний дараагаар нийслэлийн Автозамын газраас тохжилтын ажлыг гүйцэтгэх юм байна. Өнөөдрийн байдлаар тус эмнэлгийн баруун урд хойд болон зүүн хэсэгт 3 хэсэгт орц гарцыг нээгээд байна.

Эх сурвалж: Нийслэлийн ЗДТГ-ын Хэвлэл мэдээлэл, олон нийттэй харилцах хэлтэс


Сэтгэгдэл

Иргэн [182.160.38.19] 2020-05-17 14:07:31

Зөв, зөв, бас дахин зөв. Хотын захиргааныхны цаашдын ажил үйлсэд нь чин сэтгэлээсээ амжилт хүсье.

Zochin [66.181.161.65] 2020-05-16 17:43:22

Mash zow shiidwer bn ene tendgui l iimerhuu barilgaguud bgad l bn shuud buulgah heregtei zai zawsargui l baritsan bhiin

Зочин [103.26.194.218] 2020-05-15 22:53:23

Хотод байгаа бүх эмнэлгүүд хэцүү байгаа чөлөөтэй зорчих ямарч боломж байхгүй СБД-н эмнэлэг байна газрын наймаа ийм л хор уршигтай байгаа юм даа

Иргэн [64.119.16.89] 2020-05-15 16:09:14

Зөвөө нийтийн эрх ашиг хотын даргад баярлалаа.2020 6 р сар 24 хамтадаа урагшаа шүү.дураараа дурагчдад сургамж боллоо.хотоор дүүрэн орц гарц хаасан обьёктыг хамтадаа нураая иргэдээ.хэлээ биз дээ та нарт.

Зочин [192.82.73.64] 2020-05-15 15:35:50

Ene orgotgoluudiig bugdiig buulga. Yawgan hunii zamaas awaad duraara ih barisan

Зочин [66.181.165.211] 2020-05-15 15:26:15

Зөвшөөрөлтэй ч байсан анх барилга барихад тэгэж төсөв төлөвлөгөө хийгээгүй л бол ялгалгүй нураах хэрэгтэй

Зочин [192.82.65.51] 2020-05-15 16:26:41

Харин тиймээ. Эхлээд тийм барилга барина гэж хийгдээгүй бол Нийслэлийн өмч болгох хэрэгтэй!

Зочин [192.82.72.149] 2020-05-15 15:13:26

Зөв юм болжээ. Ер нь энэ байшин барилгын өргөтгөлүүдийг бүгдийг нь буулгах хэрэгтэй. Хотын даргыг их дэмжиж байгаа шүү.

Sнямган [66.181.161.3] 2020-05-15 14:59:45

Нийслэлийн газар зохион байгуулалтынхан зевхен дээд албан тушаалтны уургийг л биелуулж ажиллах юм даа. Бие дааж шийдвэр гаргаж ажиллаач. Арчаагуй л байна даа. Арга бар лаа еерчилж шинээр сэтгэж ажилла.

Зочин [202.126.89.232] 2020-05-15 14:58:46

Zow

Зочин [182.160.33.224] 2020-05-15 14:40:02

Сайн байна одоо одоо 3р эмнэлэгээ аятайхан болгоорой


11 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
11 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.