2020 оны зургаадугаар сарын 4-ний өдрийн байдлаар төллөвөл зохих 29.2 сая толгой эх малын 79.3 хувь буюу 22.5 сая эх мал төллөөд байна. Бод малын нийт хээлтэгчийн 58.4 хувь, бог малын нийт хээлтэгчийн 81.0 хувь нь тус тус төллөжээ.

Өмнөговь, Дундговь аймгуудын хувьд эх малын сувайралт их байгаа тул мал төллөлт 46.2-59.3 хувь явагдаж байна.

Улсын хэмжээнд нийт 22.6 сая төл хүлээн авч, үүний 97.0 хувь буюу 21.6 сая төл бойжиж байна. Малын төрлөөр авч үзвэл 72.5 мянган ботго, 634.7 мянган унага, 1.08 сая тугал, 11.6 сая хурга, 9.2 сая ишиг улсын хэмжээнд бойжиж байна.