Хашаандаа ногоон орон сууц барьж буй иргэдэд дэмжлэг үзүүлэх чиглэлээр хамтран ажиллана

Aдмин / Нийгэм

Улаанбаатар хотын гэр хорооллын бүсэд шинэ дэд төвүүдийг түшиглэн барьж буй 10 мянган айлын “Орлогод нийцсэн ногоон орон сууц”-ны бүтээн байгуулалтын ажлыг “Нийслэлийн орон сууцны корпораци” /НОСК/-иас эхлүүлсэн.

Тус төслийн хүрээнд өнөөдөр НОСК болон Монголын тогтвортой санхүүжилтийн холбоотой хамтран ажиллах санамж бичгийг байгууллаа. Ингэснээр Улаанбаатар хотын гэр хорооллын иргэдийг орлогод нийцсэн, ногоон орон сууцаар хангах төсөлд хамтран ажиллах, санхүүгийн зөвлөгөө, дэмжлэг үзүүлэх, төслийн мэдээ, мэдээлэл болон хийгдсэн судалгаа тайлан, тавигдах шаардлага, стандарт, тэдгээртэй холбогдох материалыг харилцан солилцох зэргээр хамтран ажиллах юм.

Санамж бичигт “Нийслэлийн орон сууцны корпораци”-ийн Гүйцэтгэх захирлын үүрэг гүйцэтгэгч С.Дорждэрэм, Монголын тогтвортой санхүүжилтийн холбооны Гүйцэтгэх захирал Э.Номиндарь нар гарын үсэг зурав. Тус үйл ажиллагаанд нийслэлийн Барилга, хот байгуулалт хариуцсан төслүүдийн удирдагч Б.Сүхбаатар болон бусад холбогдох албаны хүмүүс оролцсон юм.

Энэ үеэр Б.Сүхбаатар “Өнгөрсөн хугацаанд нийслэлийн Орон сууцны корпораци маш олон шинэ ажил санаачилж эхлүүлсэн. Өнөөдрийн санамж бичгийн хүрээнд хашаандаа ногоон орон сууц барих гэж байгаа иргэдэд зориулсан хөнгөлөлттэй зээл олгоход дэмжлэг үзүүлэх ач холбогдолтой юм” хэмээлээ.


Сэтгэгдэл

i Azjargal [66.181.160.114] 2020-11-07 04:51:53

demjlegt baishin barij hvreltseh hemjeenii l mongo haramgvi ogwol bolno tegehgvi baahan ym shaardaad hoerin hoorond ym hiideg shvv

Зочин [202.126.88.131] 2020-11-04 10:41:56

Хамаг юмаа ногооноор будчихвал болоо

цээнээ [150.129.140.232] 2020-11-04 10:24:35

бзд-10-р хороо амаглан дулааны станцийн ойролцоох айл өрхүүдэд нэг бол дахин төлөвлөлтөнд оруулах эсвэл дулаан цэвэр ус бохирын нэгдсэн сестемд холбох арга хэмжээ авдаггүй юм байхдаа төрд инженер хүн олон жил үгүйлэгдэж байгаагаас бодлого төлөвлөлт нь дурак санаа гаргацгаах юм энэ байдлаар хөгжихгүй,

Gerel [66.181.161.91] 2020-11-04 09:18:43

BZD-iin 2 horoo dulaanaa hajuu hashaanaasaa abah gesen yum


4 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
4 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.