Туршилтад АНУ болон Канадын 6750 орчим хүүхдийг хамруулахаар төлөвлөж эхний тунг хийхээр төлөвлөж байна.

АНУ-ын эм үйлдвэрлэгч Модерна компанийн судлаач эрдэмтдийн боловсруулан гарган авсан коронавирусын эсрэг вакциныг 6 сартай нярайгаас 11 нас хүртэлх бага насны хүүхдүүдэд тарин туршиж эхэлжээ.

Вакцинуудын хэрэглээ зөвхөн насанд хүрэгчдэд буюу 18-аас дээш насныханд зориулагдсан болохыг эрүүл мэндийн газраас онцолж байгаа бол Модерна нь бага насны хүүхдүүдэд вакцинаа туршиж байгаа Америкийн анхны эм үйлдвэрлэгч болж байна.

Хүүхдүүдийн дунд коронавируын халдвар тархах эрсдэл насанд хүрэгсдийнхтэй харьцуулахад цөөн тохиолдож байгаа ч сүргийн дархлааг тогтоохын тулд тэдэнд ч мөн вакцин хийх нь чухал ач холбогдолтойг мэргэжилтнүүд мэдэгдэж байгаа юм.

Харин Pfizer, AstraZeneca зэрэг вакцинууд 12 наснаас дээш насныханд турших туршилтын дунд яваа юм. Мөн Johnson & Johnson вакцинаа нялх болон нярай хүүхдэд туршиж үзнэ гэж мэдэгдсэн боловч одоогоор хийх хугацааг товлоогүй байна.