Монгол Улсын Засгийн газар, Улсын онцгой комиссоос дөрөв, тавдугаар сарыг дархлаажуулалтын сар болгон зарласан.

Тодруулбал, коронавирусийн халдварын эсрэг дархлаажуулалтад худалдаа, үйлчилгээ эрхлэгчид болон иргэдийг өргөнөөр хамруулах зорилгоор их дэлгүүр, зах, худалдааны төв, үсчин, гоо сайхны газруудын долоо хоногийн амралтын өдрийг дөрөвдүгээр сарын 10-ны бямба, 11-ний ням гарагт шилжүүлэх зохион байгуулалтын арга хэмжээ авч ажиллахыг дээр дурдсан үйл ажиллагаа эрхлэгч иргэд, аж ахуйн нэгж, байгууллагын удирдлагуудад даалгалаа.

Өөрөөр хэлбэл, их дэлгүүр, зах, худалдааны төв, үсчин, гоо сайхны газрууд долоо хоногийн амралтын өдрүүдээ хагас, бүтэн сайн өдрүүдэд шилжүүлж, ирэх амралтын өдрүүдэд ажиллахгүй, амрах юм.

Мөн иргэдийг өөрийгөө болон хайртай хүмүүсээ хамгаалж, коронавирусийн эсрэг дархлаажуулалтад идэвхтэй хамрагдахыг уриалж байна.