Газрын тосны гарцыг нэмэгдүүлсэн ч зах зээлд хомсдол үүсч болзошгүй байна

Aдмин / Эдийн засаг

Газрын тосны гарцыг нэмэгдүүлсэн ч энэ онд зах зээлд хомсдол үүсэж болзошгүй гэж OPEC-ийн Өргөтгөсөн бүлгийн техникийн зөвлөл тооцоолж байна.

Өргөтгөсөн бүлэг сар бүр өдөрт олборлох газрын тосны хэмжээг 400 мянган баррелиар өсгөсөн ч түлшний хэрэглээ нэмэгдсэнээр дэлхийн хэмжээнд агуулахууд дахь нөөц буурах төлөвтэй гэжээ. Харин 2022 оны хувьд зах зээлд илүүдэл үүсэж, үнэ нь буурч болзошгүй гэж үзсэн байна. Тодруулбал: ирэх онд өдөрт 2.5 сая баррель газрын тосны илүүдэл үүснэ гэж тооцоолжээ.

Одоогоор OPEC-ийн Өргөтгөсөн бүлэг аравдугаар сард өдөрт олборлох газрын тосны хэмжээг 400 мянган баррелиар нэмэгдүүлэхээр төлөвлөөд байгаа аж. Шийдвэрийг энэ лхагва гарагт болох уулзалтаар баталгаажуулах аж.

Лхагва гарагийн байдлаар Brent төрлийн газрын тосны үнэ 0.57 хувиар буурч, баррель нь 72.99 ам.доллар болоод байна. Харин WTI-ийн хувьд 68.5 ам.долларт тогтворжоод байгаа юм.

​​​


Сэтгэгдэл

Зочин [202.9.46.69] 2021-09-01 06:20:25

Монголчууд нийтээрээ машинаас татгалзаж нийтийн тээврийн автобусаар үйлчлүүлдэг болчихвол хотын замын түгжрэл буурна, хотын утаа буурна, замын осол эндэгдэл буурна, иргэдийн мөнгө хэмнэгдэнэ гээд сайн талууд байна. Хотын захиргаа хотын нийтийн тээврийн автобуснуудынхаа тоог эрс нэмэгдүүлэх хэрэгтэй байна.


1 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
1 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.