Авто замын түгжрэлийг бууруулах Ажлын хэсэг хуралдлаа

Aдмин / Нүүр

Нийслэлийн хэмжээнд өдөр тутам 400 мянга гаруй тээврийн хэрэгсэл замын хөдөлгөөнд оролцдог бөгөөд замын ачаалал хэт ихсэж, түгжрэл үүссэнээр иргэдийг бухимдуулдаг. Эдгээр асуудлыг зохицуулах, холбогдох арга хэмжээг авах зорилгоор 2021 оны зургаадугаар сарын 22-нд Нийслэлийн Засаг даргын А/491 дүгээр захирамж гарч, Ажлын хэсэг байгуулан ажиллаж байна.
Уг Ажлын хэсэг "Замын хөдөлгөөн, тээврийн ухаалаг систем"-ийг нэвтрүүлэхээр тооцоо, судалгаа хийж байгаа юм. Тус судалгаа нь нийслэлийн зам, тээврийн асуудал хариуцсан төрийн байгууллагууд болон замын хөдөлгөөнд оролцогч талуудын харилцан уялдаа холбоог хангах, мэдээлэл солилцох чадварыг технологийн тусламжтайгаар сайжруулах зорилготой. Түүнчлэн чиг үүргийн байгууллагуудын үндсэн үйл ажиллагаанд орчин үеийн дэвшилтэт технологийн шийдлийг нэвтрүүлж, цаг хугацаа, зардал хэмнэх, тээврийн хэрэгслийн тоон өсөлтөөс хамааран гарах сөрөг үр дагавруудыг зохицуулах, тээврийн хэрэгслийн бүртгэлийн автоматжуулалт, хиймэл оюун ухаанд суурилан удирдаж, хянахаар зорьж байна.
сонин mn
Ажлын хэсгийн гишүүд аравдугаар сарын 18-нд ээлжит тавдугаар хуралдаанаа хийж, дээрх системийн дэд систем болох “RFID бүртгэлийн систем”-ийг нэвтрүүлэх талаар хэлэлцлээ. Ингэснээр нийслэлийн 161 цэгт буюу Улаанбаатар хотын авто замын уулзварууд болон шалган нэвтрүүлэх товчоон дээр RFID уншигч төхөөрөмжийг суурилуулах ажлыг зохион байгуулах юм. Үүнээс урьтаж "Авто замын хөдөлгөөн зохицуулалт, төлөвлөлтийн систем"-тэй холбоход шаардлагатай тооцоо, судалгааг хийж, ачаалал өндөртэй зарим цэгт хийсэн туршилтын ажлын талаар санал солилцож, холбогдох арга хэмжээг шат дараатай авч ажиллахаар тохиролцлоо.


Сэтгэгдэл

Зочин [66.181.181.49] 2021-10-22 00:31:22

Хотыг тэлэх бодлого гэж яарихгүй бол эд нар мянга хуралдаад юу ч өөрчилөгдөхгүй улам дордоно.

зочин [66.181.176.216] 2021-10-20 22:24:46

Буруу рультэй тэрэгний импортын татварыг 2-3 дахин нэмэгдүүлээчээ орж ирэх багасаад энд байгаа хэд нь 10 жилийн дараа төмрийн хогонд яваад түгжирэлгүй болно .Өөр ямарч арга байхгүй

Зочин [103.80.210.183] 2021-10-20 11:34:02

саяхан бензинд дугаарлаж хамаг машин колонк руу шургасан цаг үед хотын зам чөлөөтэй байсан шүү. хотын төвөөр зогсоол хангалттай байх юм бол замын түгжрэл алга болохыг харуулсан шүү дээ.

Иргэн [64.119.22.19] 2021-10-19 12:19:22

Та нараас юу ч гарахгүй .--Өөрдийгөө ухдахаа харахгүй байж хотийг яаж өөрчиллөх вэ.гэрэлт гудамжаа хар бөөн хаалт хийж хаячихаад хаагуур нь хүн зөрчиж хаагуур нь машин яьаад байгаа юм вэ ???????!!!!!!!!шшшщшшш

Зочин [103.212.119.205] 2021-10-19 11:10:04

demii zuil hiij tsag ldah um. shuud bars ,narantuul , hotiin zahirgaa yamdiih hotiin zah ruu yavuul.


5 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
5 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.