ДЭМБ: “Омикрон” хувилбар ихэнх оронд илэрсэн байж болзошгүй

Aдмин / Гадаад мэдээ

ЖЕНЕВ. /BBC/. Дэлхийн эрүүл мэндийн байгууллага /ДЭМБ/ коронавирусний шинэ “омикрон” хувилбар дэлхийн ихэнх оронд хэдийнээ илэрсэн байж болзошгүй болохыг анхааруулжээ.

Хамгийн сүүлийн үеийн мэдээллээр олон удаа мутацид орсон уг хувилбарын батлагдсан тохиолдол 77 оронд илрээд байгаа юм. Гэвч ДЭМБ-ын тэргүүн Тедрос Адханом Гебрейесус олон оронд шинэ хувилбарыг хараахан илрүүлээгүй байж магадгүй бөгөөд урьд өмнө нь үзэгдээгүй түвшинд тархаж байж болзошгүй хэмээн мэдээлжээ.

Мөн тэрбээр “омикрон”-ыг “дутуу үнэлж” байж болзошгүйд санаа зовниж буйгаа илэрхийлээд, шинэ хувилбар хүндээр өвчлүүлдэггүй байсан ч халдварын тохиолдлын тоо олноор нэмэгдвэл эмнэлгийн ачаалал дахин хэтэрч болзошгүйг сэрэмжлүүлсэн байна.

“Омикрон” хувилбарыг Өмнөд Африкт анх 11 дүгээр сард илрүүлсэн бөгөөд түүнээс хойш тус улсад өвчлөл эрс нэмэгдэх болоод буй юм. Мөн Ерөнхийлөгч Сирил Рамафосагийн “COVID-19”-ийн шинжилгээний хариу эерэг гарсны улмаас өөрийгөө тусгаарлаж байна. Түүнд хөнгөн шинж тэмдэг илэрч байгаа ажээ.

Коронавирусний шинэ хувилбар илэрсэнтэй холбогдуулан дэлхийн олон улс орон Өмнөд Африк болон тус улстай хил залгаа оршдог орнуудад зорчих хөдөлгөөний хязгаарлалт тогтоосон ч ийм арга хэмжээ нь халдварын тархалтыг зогсооход үр нөлөөгөө үзүүлж чадаагүй юм. ДЭМБ-ын тэргүүний хэлснээр, “омикрон” өмнөх хувилбаруудын дэгдэлтийн үеэр үзэгдээгүй түвшнээр тархаж байж болзошгүй байна.

Хулан.Э

www.montsame.mn


Сэтгэгдэл

Зочин [64.119.21.205] 2021-12-16 08:00:39

Bayar temdegld idej uugaad on gard denduu aitar bolno idej uuhgui bol uheh gd bdag mongolchuud yum u bayar hsengui gd 2 jil gd yriad bhin

Зочин [66.181.161.125] 2021-12-15 10:25:59

amni haaltgui sngaljaz shine jil temdeglej baigaa nuhduud jamgiin ayultai ni bolood bn. mun turk. thailandruu yavj bgsa humuus bas l boon asuudal

Зочин [103.26.194.217] 2021-12-15 07:58:28

Хорвоо болжээ

Зочин [82.144.201.2] 2021-12-15 06:17:46

Манайд илэрүүлж чадаж байгаа юм болов уу????

Зочин [103.26.194.217] 2021-12-15 07:58:48

no


5 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
5 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.