Шатсан “East” төвийн газарт цэцэрлэгт хүрээлэн байгуулах санаачилга гаргав

Aдмин / Нийслэл

Баянзүрх дүүргийн 15-р хорооны нутаг дэвсгэр, XIII хороололд буюу Зүүн дөрвөн замын автобусны буудлын урд талд байрлах шатсан “East” төвийн сууринд өмнө нь Манжийн төрийн үеийн “Бат цагаан” нэртэй шорон байжээ. Тус шоронд гамингууд Монголын эх оронч баатар Манлай баатар Ж.Дамдинсүрэнг хорьж байв.

Тэрбээр “Би гамингуудын нүдэн дээр хэвтээгээрээ үхэхгүй” хэмээгээд босоогоороо нас нөгчсөн түүхтэй. Мөн анхны долоогийн нэг Д.Бодоо, С.Данзан зэрэг язгууртнуудыг энд хорьж, эрүүдэн шүүсний эцэст Шар хаданд аваачин бууджээ. Түүнчлэн 1930-аад онд Д.Нацагдорж, Б.Ренчин, С.Буяннэмэх, Д.Намдаг нарыг тус шоронд хорьж байсан гэдэг. Харин 1992 оноос тус барилгыг худалдааны зориулалтаар ашиглаж байжээ. Гэвч 2011 оны нэгдүгээр сард гал гарснаас хойш үйл ажиллагаа явуулаагүй, түймрийн дараах тэр хэвээрээ өнөөдрийг хүрсэн.

Тэгвэл тус газарт Нийслэлийн Засаг дарга бөгөөд Улаанбаатар хотын Захирагч Д.Сумъяабазар, Нийслэлийн Засаг даргын Захиргаа, хууль эрх зүйн асуудал хариуцсан Ахлах зөвлөх Д.Мөнх-Эрдэнэ, Баянзүрх дүүргийн Засаг дарга Н.Баярмөнх нар ажиллалаа.

Эх орончдын тусгаар тогтнолынхоо төлөө халуун амьсгалаа хураасан энэ газрыг нийтийн эдэлбэр газарт бүртгэж, Цэцэрлэгт хүрээлэн болгох саналыг энэ үеэр Хотын дарга гаргав. Мөн эзэмшигч аж ахуйн нэгж байгууллагын удирдлагыг хэлэлцээрийн ширээнд урьсан юм. Хотын даргын дээрх санаачилгыг төрийн шагналт түүхч, түүхийн ухааны доктор Д.Өлзийбаатар болон “Чингис хаан” музейн захирал, академич, доктор, профессор С.Чулуун нар дэмжиж буйгаа илэрхийллээ.

Хотын өнгө үзэмжид сөргөөр нөлөөлөхүйц уг барилгад хамгийн сүүлд гэр ахуйн цахилгаан бараа, өргөн хэрэглээний бараа, баар, ресторан, караоке зэрэг үйлчилгээний байгууллага үйл ажиллагаа явуулж байсан юм. Энэхүү газрын эзэмшил нэгээс нөгөөд долоон удаа шилжиж, одоогоор “Пром-Импорт” ХХК-ийн эзэмшилд байгаа тухай Баянзүрх дүүргийн Засаг дарга хэлж байлаа. Тэрбээр мөн тухайн газрын төлбөр тооцоонд маргаан байхгүй. Гэхдээ тус газар гэмт хэрэг, зөрчил гардаг, иргэдийн зүгээс хотын өнгө үзэмжид сөргөөр нөлөөлөхүйц уг барилгатай холбоотой гомдол, санал их ирдэг гэлээ.

Нийслэлийн Засаг дарга бөгөөд Улаанбаатар хотын Захирагч Д.Сумъяабазар газрын тохижилтын асуудалд иргэдээс санал авахыг Баянзүрх дүүргийн Засаг даргад үүрэг болгов.


Сэтгэгдэл

ЭРДЭНЭЭ.С 4-Р ХОРОО БЗД. ИРГЭН [64.119.22.111] 2022-06-28 14:51:44

ЭРЭЛИЙН ГАНЦ БАРИЛГАТАЙ ТОМ ХАШААГ ЯДАЖ НЭВТ ОРЖ ГАРДАГ БОЛГООД ӨГӨӨЧ ХӨГШИН ЯДАРСАН ХҮМҮҮС ТӨВ ЗАМРУУ, АВТОБУСНЫ БУУДАЛРУУ ХҮРЭХ ГЭЖ ТОЙРЧ ТОЙРЧ ОЧИХ ЮМ. ЭРЭЛ КОМПАНЫ ЭЗЭН ЭРДЭНЭБАТ ГУАЙ АВТО БИШ ЮМ ГЭХЭД ЯДАЖ ЯВГАН ГАРЦ НЭЭГЭЭД ӨГЧИХВӨЛ БҮХ НҮГЛИЙГ ЧИНЬ МАРТААД - ХӨӨРХИЙДӨӨ БАС ЧИГ ГАЙГҮЙ ЭР ШҮҮ ГЭЭД Л ДУРЬДАЖ БАЙЯ ДАА. ГУЙЖ БАЙНА.

Зочин [85.92.51.73] 2022-06-28 13:54:38

АМЕРКАН ДЭНЖИЙН АРЫН ЭРЭЛИЙН ХАШААГ НЭЭГЭЭД ӨГӨӨЧ ИРГЭД АМРАХ НОГООН БАЙГУУЛАМЖ ХЭРЭГТЭЙ БАЙНА

Зөв, маш зөв. [66.181.189.204] 2022-06-28 12:40:50

Оршин суугчид "цэцэрлэг болгоё" гэсэн бол цэцэрлэгээ л байгуулах хэрэгтэй. Харж л байя.

Зочин [66.181.161.70] 2022-06-28 11:36:40

Энэ том талбай дээр 30 давхар барилга барья.

Зочин [64.119.27.147] 2022-06-28 11:09:54

Хотын захирагчаа РЦНК ын урд талын талбайг цэцэрлэгт хүрээлэн болгоод өгөө . Овоолсон шороо ухсан нүх хогын тантан болсон газар нэгочоод өгөөч . Хуучин цэцэрлэгт хүрээлэн байсан газар шүү дээ . М Энхболдын гараар ороод ийм муухай болсон юм.


5 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
5 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.