Дөрвөн байршилд төмөр зам доогуур авто замын нүхэн гарц барина

Aдмин / Нийслэл

НЗДТГ-ын даргын албан үүргийг түр орлон гүйцэтгэгч И.Баатархүү “Улаанбаатар хотын дөрвөн байршилд төмөр зам доогуур авто замын нүхэн гарц шинээр барих төсөл”-ийн ажлын зураг төсөл боловсруулах, барилга угсралтын ажлыг гүйцэтгэх түлхүүр гардуулах нөхцөлтэй гэрээнд гарын үсэг зурлаа. Тус төсөл нь БНХАУ-ын Засгийн газрын хөнгөлөлттэй зээлийн хөрөнгөөр “Хөгжлийн хөтөч-дэд бүтэц” төслийн хүрээнд хэрэгжих юм.

Энэ үеэр талууд нийслэлийн гол дөрвөн байршилд босоо чиглэлд автомашины хөдөлгөөнийг задлах, урсгалыг нэмэгдүүлэхэд нэн чухал ач холбогдолтойг онцлоод, хэрэгжилтийг онцгой анхаарч хамтран ажиллахаа илэрхийлэв.

Төслийн ерөнхий гүйцэтгэгчээр БНХАУ-ын “Чайна Тисижу Сивил Инженеринг Групп” ХХК ажиллах бөгөөд нүхэн гарцын зураг төсөл боловсруулах ажил ийнхүү эхэлж байна. Зураг төслийн ажлыг найман сарын хугацаанд боловсруулж, 2023 оны хоёрдугаар улиралд багтаан барилгын ажлыг эхлүүлэхээр төлөвлөжээ.

Харин дараа нь нүхэн гарцуудын барилгын ажлыг 18 сарын хугацаанд бүрэн дуусгах юм.

Нүхэн гарцуудыг дараах дөрвөн байршилд хэрэгжүүлнэ. Үүнд:

  • Сонгинохайрхан дүүрэг, Таван шарын төмөр замын гармын баруун талын нүхэн гарц.
  • Сонгинохайрхан дүүрэг, Геологийн төв лабораторийн уулзвар.
  • Баянгол дүүрэг, Хермес төвийн урд, төмөр замын зоорины урд нүхэн гарц.
  • Нарны зам болон Их хүрээний гудамжны уулзварын нүхэн гарц.

Уг төсөл нь Улаанбаатар хотод тулгамдаад буй авто замын түгжрэлийн асуудлыг шийдэх хүрээнд төлөвлөгдсөн цогц арга хэмжээний нэг хэсэг юм.


Сэтгэгдэл

Раасс [66.181.160.2] 2022-10-06 13:45:40

Төмөр замчдаараа Презерийн гарц дээгүүр нь хийлгэчихье ээ. Юун Хятадад өр тавих дуртай юм, хэн ч хийж чадна шүү дээ. наадахийг чинь! Энэ их өндөр өртөг мөнгө, өр зээлээр хятадуудаар хийлгэх сонирхол хэн нэгэн хэсэг хүмүүст байна гэж бодож байна..

Зочин [103.26.195.196] 2022-10-04 07:58:21

zub hurdan hiij heregjvvl

Хятадын хогийн компани [103.229.122.94] 2022-10-03 22:29:17

Хятадын зартай авлигач компани шалгарчээ, хэн хэнд мөнгө өгсөн бол? Бүхнийг мөнгөөр зодож шийддэг арга барилтай компани. Нэг л өдөр АТГ үмхээд авна даа.

Зочин [192.82.76.178] 2022-10-03 19:32:18

Зөв шийдвэр байнаа. Моносын нүхэн гарцыг мартаж болохгүй шүү. ТЭЦ4-ын замын эсрэг урсгалыг 2 эгнээ болгон тусгаарлах хэрэгтэй дээ. Амжилт

Уншигч [103.10.21.250] 2022-10-03 14:55:41

Бас 4 ус тогтоодог нүх хийхнээ урдах алдаагаа дахин дахин давтах юм хийхээ болиоч сая барьсан нь бороо орхоор ус тогтоод юу боллоо


5 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
5 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.