Викториягийн музейн эрдэмтэд Кокосын арлууд орчмыг судалж байгаад ер бусын гадаад төрхтэй шинэ төрлийн загас олж нээсэн тухай Live Science сэтгүүлд мэдээлжээ. Өмнө нь энэ бүсэд гэрэл, хүнсний дутагдалаас үүдэн амьд организм оршиход бэрх гэж эрдэмтэд үзэж байв. "Загаснууд бүх л янзын хэлбэр хэмжээтэй, гэрлийн эрхтэн, урхитай, хамгаалалтын далдлалтай. Асар том нүдтэй, нүдгүй олон төрөл зүйлтэй. Төрөл бүр нь гүн усны онцгой нөхцөлд тохирсон байдаг" хэмээн экспедицийн удирдагч Тим О'Хара ярив. Эрдэмтэд мөн хоёр төрлийн могой загас олсны нэг нь сэвсгэр арьстай, нөгөө нь асар том эрүү бүхий жижигхэн толгойтой ажээ.