Эрх баригч МАН-ыг ард түмэн “мангар” гэж хочилж байгааг нийгмийн сүлжээнээс тоолж болно. Монгол хэлний тайлбар тольд Мангар гэдгийг Сэтгэн бодох чадвар муутай, эргүү балай: мангар хүн (сэтгэхүй муутай бүдүүлэг хүн) гэжээ. Эрх баригч намын нэр хүндэд халдаж буй хэрэг биш. Үйл ажиллагаанд өгч байгаа шууд үнэлэлт. Аливаад нотолгоо, баримт чухал. Шийдэл, гарц олох чадваргүйг илтгэсэн нь агаарын бохирдолд хамгийн их хувийг эзлэх гэр хорооллын яндан, нүүрсний станцууд, автомашинаас ялгарч буй хүхэрлэг хийг арилгах утаагүй зуух, утаагүй түлш гэх мэтийн аргаар шийдвэрлэхээр оролдох.

Ингэж үзэх шалтгаан хэд хэд бий. 100 жилийн өмнө дэлхийн том хотууд яг Улаанбаатар шиг агаарын бохирдолтой нүүр тулсан ч “шинэчлэл, шийдэл, бүтээн байгуулалт” гуравт тулгуурлан өөрчилсөн байдаг. Товчхондоо аргацаах бус арилгах ёстой аж.

Эрчим хүч, дулааны эх үүсвэрийг хийн түлшээр солих, дахин төлөвлөлт хийх, орон сууцжуулах гэх мэтийн суурь өөрчлөлтүүдийг хийх зорилт тавьж хэрэгжүүлэхгүйгээр өнөөдрийн яригдаж буй шиг цөөхөн хүн амтай, зохион байгуулалт, дарамт шахалтад автахдаа амархан ард түмнийхээ хүлцэнгүйг ашиглан “түлш солих”, “утааны найрлагад анхаарах”, “утааны хэмжээг тооцоолох” гэх мэтийн балай юм ярьсаар ахул дахиад хэдэн ч жил агаар, хөрсний бохирдол живсэн нийслэлд эрүүл хүүхэд төрж өсөх боломжгүй, хөгжил дэвшлийн тухай сонгуулийн амлалт ч өгч чадахгүй эмгэнэлтэй байдалд орох нь