Шинээр баригдаж буй 225 метр урттай “Зайсангийн хос гүүр”-ний хучилтыг хийж дууссан байна. Уг гүүр нь 35000 тээврийн хэрэгсэл нэвтрүүлэх хүчин чадалтай бөгөөд аравдугаар сарын эхээр ашиглалтад орох аж.

Зайсангийн гүүрээр хоногт 16000 тээврийн хэрэгсэл нэвтэрдэг гэж үздэг. Шинэ гүүр ашиглалтад орсноор хоногт 35000 тээврийн хэрэгсэл зорчдог болж, замын нэвтрүүлэх чадвар 20 хувиар нэмэгдэн, Богд уул болон Чингисийн өргөн чөлөөний хөдөлгөөний эрчмийг 10 хувиар сайжруулна гэж үздэг юм.