64 сургууль, 107 цэцэрлэгт цонхны шүүлтүүр суурилуулав
![](/files/zirj18kytwwqvdmib6pl/3/tsonhhaalt.jpg)
Агаарын бохирдол хамгийн их бүсэд 844,646 иргэн амьдарч байна. Энэ нь нийслэлийн нийт хүн амын 53 хувь юм.
Цаг уур, орчны шинжилгээний газрын Судалгааны хүрээлэнгээс Улаанбаатар хотын хамгийн агаарын бохирдолтой хэсгийг Баянхошуу, Долоон буудал, Баянбүрд орчим гэж тооцоолсон. Энд ерөнхий боловсролын 72 сургууль, 52 цэцэрлэг, 14 эмнэлэг байна.
Судалгаанаас үзвэл, дотоод орчны бохирдол гадаад орчны бохирдлоос шууд хамааралтай. Иймээс гадаад орчны бохирдлоос хамгаалахын тулд цонхны шүүлтүүр, давхар хаалга болон агаар цэвэршүүлэгч зэргийг хэрэглэх нь эрүүл мэндэд тустай.
Дээрх сургууль, цэцэрлэг, эмнэлэгт нэн тэргүүнд арга хэмжээ авах шаардлагатай тул Нийслэлийн Хөрөнгө оруулалтын газар ОНӨААТҮГ-аас 64 сургууль, 107 цэцэрлэгт цонхны шүүлтүүрийг суурилуулаад байна.
Цаашид 423 сургууль, цэцэрлэг, эмнэлэгт шүүлтүүр суурилуулах шаардлагатай байгаа юм.
Нийтэлсэн: НЗДТГ-ын хэвлэл мэдээлэл, олон нийттэй харилцах хэлтэс
Сэтгэгдэл
зочин [202.9.46.184] 2023-09-23 09:00:39
Энэ олон машины түгжрэл зогсолтоос үүссэн угаарын хийн бохирдол нүүрс түлээнээс илүү хор хөнөөлтэй гэдгийг олон улс орон цахилгаан хөдөлгүүртэй машин илүүд үзэх болсон
Зочин [203.98.76.249] 2023-09-22 16:24:24
хэд хоноод дагтаршаад агаар орохгүй юм болоод аваад хаячихна
Эйр вилл монголиа [103.212.117.121] 2023-10-12 10:30:14
Манай эко нано шүүлтүүр усаар шүршээд 3-5 жил ашигладаг