400 тэрбумыг утаа арилгахад зарцуулсан ч өвөлдөө цээж таглам нүүгэлтсэн хар утаанд төөрөх шахна. Жил бүр нийслэлийн төсөвт 500 гаруй тэрбум төгрөг төвлөрөх өөр баталдаг ч хотын гудамж талбай өвөлдөө халтиргаатай зундаа ус, шавартай хэвээр. Замын бордюр хуулж буцааж угсрах ажил хэн нэгэн даргын ашигтай бизнес болтлоо авлигад идэгджээ. Бордюр солих ажлаас гадна үүний төсөв анхаарал татаж буй. Энэ жил л гэхэд нийт 35 тэрбум төгрөгийг замын хашлага, явган хүн, дугуйн замд төсөвлөжээ.

Дээрх ажлын төсөв, мөнгөтэй холбоотой тодруулгыг Улаанбаатар хотын захирагчийн албаны дугуйн ба явган хүний зам, тохижилтын хэлтсийн дарга Г.Билгүүний мэдээллээр 35 тэрбум төгрөгөөр дээрх ажлыг гүйцэтгэж засвар, шинэчлэлт хийнэ.

Тухайлбал, Их тойруу, Бага тойруу, Олимпын гудамж тэргүүтэй байршлуудад дугуйн болон явган хүний зам засвар, замын хашлага солих ажлыг гүйцэтгэнэ. Зуны хугацаанд бүрэн хийж дуусна гэв.

Яаралтай шийдэх өчнөөн асуудалд байхад төвийн замуудын хашлага солих нь нэг түрүүний чухалд тооцогдох нь зөв үү? Гэх мэтээр жижиг асуудалд том төсөв тавьж улсын мөнгийг үргүй зарцуулдаг нийслэл хотод утааны 400, ногоон автобусны 300 тэрбум төгрөгийн авилгал шийдвэрлэгдээгүй хэвээр л. Ийнхүү зөвхөн сүүлийн 2-3 жилд нийслэлд их наядаар шахуу төсв