Аймагтаа хорь шахам жил МАН засаглаж, Их хуралд ч эрх баригч намын төлөөлөл сонсогдсоор удсан Өвөрхангай аймагт олныг цочирдуулсан хүн амины хэрэг сонгуулийн сурталчилгааны хоног үргэлжилж буй хугацаанд гарлаа. Сант сумын засаг дарга, АН-ын хорооны дарга Б-г хэрцгийгээр хөнөөсөн гэх О нь МАН-ын нэр дэвшигч, Батлан хамгаалахын сайд Г. Сайханбаярын ухуулагч байсан учраас Сайханбаяр сайдын нэр дэвшигчээс эргүүлэн татаж байгааг МАН-ын генсек Д. Амарбаясгалан мэдэгдлээ.

Эрх баригчид яаралтай ийм арга хэмжээ авч эхэлсэн нь сонгуулийн үр дүнг эрс өөрчлөгдөх вий гэсэн урьдчилсан үйлдэл гэж харагдлаа.

Ардчилсан намынхны хувьд Улаан тэнгис далай дунд ганц нэгхэн товойж ялгардаг дархлаа гэмээр цэнхэр тугтан журмын нөхрөө алдсандаа нэлээд уй гашуу болцгоон мэдэгдэл эмгэнэл, гашуудал зарлах нь улс төржилт гэхээсээ хүн ёсны асуудал болжээ.

Эл үйл явдлаас харахад ардчилсан үзэлтэй, ардчиллыг хошуучлан түүчээлэгчдэд үйл хэргээ тууштай үргэлжлүүлэх бололцоо улам бүр хумигдаж, газар бүрд эрх баригчдын явцуу санаархал, ялт цалмаар оосорлогдсон улаантнууд яахаас ч буцахгүйдэж дээ гэхээс өөр хэлэх үг алга.