Лалын хэт даврагчид АНУ-ын армийн твиттер хуудсыг хакердан, хэдэн цагийн турш мэдэлдээ байлган, “CyberCaliphate, I love ISIS” хэмээн англиар бичиж, лалын улсын дайчны толгойн хэсгийн зурагтай логогоор АНУ-ын төв армийн логог сольж тохуурхжээ. Тэд “АНУ-ын цэргүүд ээ, бид ирлээ. Ар талаа хараарай” гэх агуулга бүхий үг бичиж, жиргэсэн байсан аж.

АНУ-ын төв армийн “Лалын улс”-ын эсрэг явуулж буй агаарын дайралтуудын бичлэгүүдийг дамжуулж байсан youtube сайт ч хакеруудын халдлагад өртжээ. Лалын хэт даврагчид “Лалын улс”-ын талаарх бичлэгийг тус сайтад нийтэлсэн байна.

АНУ-ын армийн зүгээс мэдэгдэл хийж, твиттер, youtube сүлжээгээ хакердуулсаныг баталсан бөгөөд тодорхой арга хэмжээ авч байгаа талаар мэдэгджээ. Харин мэргэжилтнүүд “АНУ-ын армийн хувьд томоохон доромжлол” гэж дүгнэсэн байна.

Э.ЭНХ-ЭРДЭНЭ