Венесуэлийн дэлгүүрийн лангуунууд хоосорчээ
Венесуэл даяар хүнсний хомсдол үүсч, зарим бараа нь хэтэрхий үнэтэйгээс болж иргэдийн худалдан авах чадвар муудсан байна. Ихэнх дэлгүүрийн лангуу хоосорч, үйлчлүүлэгчид эрс цөөрчээ. Нийслэл Каракас хотын ихэнх дэлгүүрүүдэд мах, будаа, гурил, гоймон, шоколад болон шампунь, шүдний оо зэргийн үнэ 40-50 хувиар нэмэгдсэнд иргэд дургүйцлээ илэрхийлж эхэлжээ.
Үйлдвэрчний эвлэл 100 мянган хүнийг нэгтгэсэн “Хүнсний үнээ тогтворжуул” хэмээх эсэргүүцлийн жагсаал зохион байгуулахаа Ерөнхийлөгч Николас Мадурод мэдэгджээ. Хэрвээ Ерөнхийлөгчөө өнөөдөртөө багтааж хариу хэлэхгүй бол орон даяар ажил хаялт зарлахаа Үйлдвэрчний эвлэлээс нь сануулсан байна. Өнгөрсөн жил тус улсад сонины цаасны хомсдол үүсч, хэвлэлийн салбарынхан 14 хоног ажил хаялт зарлажээ.
М.АМАРЖАРГАЛ
Сэтгэгдэл
ZAP [202.131.228.66] 2019-12-12 09:51:50
ZAP [202.131.228.66] 2019-12-12 09:51:50