Зураг: Дөрвөн залуу амиа алдсан ослын газар

Франц улсад зам тээврийн ноцтой ослын улмаас дөрвөн монгол залуугийн амь эрсэдсэн харамсалтай хэрэг гарсан талаар эх сурвалжууд өчигдөр мэдээлжээ. Тэд тус улсын нэгэн тосгонд паркийн ажил гүйцэтгэж дуусаад, буцах замдаа осолдсон байна. Энэ сарын 14-ний өглөөний 6 цагийн үед хотоос зайдуу "Marcei" тосгоны зам дээр болсон тус ослын улмаас амиа алдсан залуус 24-44 насныхан байжээ. Тэдний гурав нь газар дээрээ амьсгал хурааж, нэг нь эмнэлэгт хүргэгдсэн боловч аврагдаж чадаагүй байна. Талийгаач залуус тус улсын "Caen" хэмээх хотод ажиллаж амьдардаг гэж Францын хэвлэлvvд мэдээлсэн байна. ( Ослын шалтгааныг Францын хэвлэлvvд маш тодорхой бичиж байгаа хэдий ч бид уншигчдын хvсэлтээр шалтгааныг энд дурьдсангvй )

Бид энэ талаар манай улсын Гадаад харилцааны яамнаас тодруулах гэсэн боловч албан ёсны мэдээлэл авч чадаагvй юм. Иймд бид энэ талаар дахин мэдээлэх болно.

Э.ЭНХ-ЭРДЭНЭ