Монгол Улсын Ерөнхий прокурорын албан тушаалд гурван хүний нэр яригдаж буй юм байна. Тодруулбал, УЕПГ-ын орлогч Г.Эрдэнэбат, нийслэлийн прокурор Б.Бат-Орших болон Монгол Улсын Ерөнхийлөгчийн Тамгын газрын дарга П.Цагаан нарын нэр дуулдаж буй юм.

Д.Дорлигжав Ерөнхийлөгчийн Тамгын газрын даргаар ажиллаж байгаад Монгол Улсын Ерөнхий прокуророор томилогдсон. Иймд П.Цагааныг Ерөнхий прокурор болж магадгүй гэсэн таамаглал байгаа аж. Мөн Д.Дорлигжавын дүү, Ерөнхий сайдын найз Нийслэлийн прокурор Б.Бат-Орших Монгол Улсын прокурорын байгууллагыг тэргүүлж магадгүй гэх хүмүүс ч байна. Прокурорын газрын орлогч Г.Эрдэнэбатын хувьд мэргэжлийн, салбараа сайн мэддэг хэмээн салбарынхан хэлж буй юм.

Э.ЭНХ-ЭРДЭНЭ