Өнөөдөр Баян-Өлгий аймгийн Бугат суманд найман хүн мөнгөн усанд хордсон мэдээлэл байна. Одоогоор хордлогын шалтгааныг тогтоогоогүй байгаа талаар эх сурвалж мэдээлэв. Тус суманд хордлогын шалтгааныг тогтоохоор ЭМСЯ болон НЭМҮТөвийн хор судлалын мэргэжилтнүүд ажиллаж буй мэдээлэл ирлээ.

Мөнгөн усны органик бус нэгдлийг андуурч хэрэглэх үед хурц хордого үүсдэг байна. Эдгээр нэгдлүүдээс сулем буюу мөнгөн усны дихлорид нь хамгийн аюултай аж. Уусны дараа ам залгиур, улаан хоолой, ходоодны орчим, шулуун гэдэсний дагуу хүчтэй хорсон өвдөх шинж илэрдэг байна. Мөн толгой өвдөх, шүлс асгарах, амнаас эвгүй үнэр гарах, буйл улуайж цус шүүрэх, хэлний гадар, залгиур дээр үхжсэн өнгөр тогтдог аж.

Э.ЭНХ-ЭРДЭНЭ