АНУ-ын ерөнхийлөгч Барак Обама төрийн болон хувийн сүлжээнүүдээ хакеруудаас хамгаалах систем байгуулахад зориулж 14 тэрбум ам.доллар гаргах санал боловсруулж байгааг Ройтерс агентлаг дамжууллаа. Барак Обама “Кибер аюулгүй байдал зөвхөн төрийн мэдээллийн санд ч бус хувийн компаниудад хэр чухал болохыг Сони корпорацийн хакердуулсан явдал харуулсан. Дээрх хөрөнгөөр “Civilian Cyber Campus” нэртэй төр, хувийн хэвшлийн хамтын ажиллагааны байгууллагыг санхүүжүүлж кибер халдлагаас хамгаалах систем байгуулна” гэжээ.

Харин ерөнхийлөгчийн саналд Бүгд Найрамдахчуудын давамгайлсан Конгресс ямар хариу өгөх нь одоогоор тодорхойгүй байна.

М.АМАРЖАРГАЛ