Шинэ оны эхний өдрөөс ОХУ БРЕКС-ын орнуудын даргалагч орон боллоо. Владимир Путин Бразилын ерөнхийлөгчид илгээсэн баярын захидалдаа, 2014 онд Бразил улс БРЕКС-ын орнуудын даргалагч орон болж, ойлголцол итгэлцлийн олон уулзалт зохион байгуулж, амжилттай ажилласан. 2015 онд Орос улс БРЕКС-ын орнуудын даргалагч орны үүрэг хүлээж, гишүүн орнуудтай нягт хамтран ажиллаж, тус байгууллагын нэр нөлөөг улам өргөтгөнө гэжээ.

Владимир Путин, БРЕКС-ын орнуудын хамтын ажиллагааны байгууллага гишүүн орнуудын үйлдвэр, технологийн харилцааны талаар амжилттай ажиллаж, эм эмнэлгийн даатгал, боловсрол, шинжлэх ухаан зэрэг нийгмийн салбарт ач тусаа өглөө. Өдгөө олон улсын мэдээ мэдээллийн аюулгүйн салбарт хамтран ажиллах талаар гишүүд санал нэгдсэн, эрчим хүч, уул уурхайн олборлолт, борлуулалт, хөдөө аж ахуйн бүтээгдэхүүнийг нарийн боловсруулах салбарт хамтран ажиллах боломжууд гарч байна гэжээ.

Э.ЭНХ-ЭРДЭНЭ