Монголын хүүхдийн ордон салбар дугуйлангуудаа хотын захын гэр хороололд байгуулах ажил өнөгөрсөн жилээс эхэлсэн. Энэ дагуу өчигдөр Баянхошуунд таван танхим, арван багштай салбар дугуйлангаа нээсэн байна. Энэ өдөр 30 гаруй хүүхэд бүртгүүлсэн бөгөөд дуулаач, бүжиг, шатар, драм, уран зохиол зэрэг 5-6 дугуйлан хичээллэх юм байна. Мөн улиралд 540 гаруй хүүхэд хамрагдах боломжтой аж. Түүнчлэн багш нарын цалин болох 300 орчим сая төгрөгийг нийслэлээс баталж өгсөн болохоор сонирхсон хүүхдүүд үнэ төлбөргүй суралцах боломжтой юм байна.

Б.ЦЭЛМЭГ