Өнгөрсөн оны сүүлээр УИХ-ын гишүүн, Хүнс хөдөө аж ахуйн сайд Р.Бурмаа гишүүнийхээ бүрэн эрхээс татгалзах хүсэлт гаргасан байна. Тэрээр үүнийгээ “Монгол Улсын Ерөнхийлөгчийн өргөн мэдүүлсэн давхар дээл тайлах хуулийн төслийг анхнаасаа дэмжиж, байр сууриа илэрхийлж байсны хувьд, мөн Засгийн газрын гишүүн нь давхар дээлгүй байх ёстой” гэж үзсэний үндсэн дээр өргөдлөө гаргасан” хэмээн тайлбарлажээ.

Р.Бурмаа 2012 оны УИХ-ын сонгуульд намын нэрээр дэвшиж, УИХ-ын гишүүн болсон. УИХ, Ардчилсан нам УИХ-ын гишүүний бүрэн эрхээсээ татгалзах хүсэлтийг нь хүлээн авбал намын жагсаалтад эрэмбэлэгдсэн дараагийн хүн, Худалдаа хөгжлийн банкны гүйцэтгэх захирал Б.Мэдрээ УИХ-ын гишүүн болох юм байна.

Э.ЭНХ-ЭРДЭНЭ