УИХ-ын дарга З.Энхболд МҮОНРТ-ийн захирал асан М.Наранбаатарыг цагдаагийн байгууллагад шалгуулахаар өгчээ. Тэрээр "М.Наранбаатар гэгчийн хэвлэлээр тарааж байгаа миний тухай мэдээлэл 100 хувь худлаа гүтгэлэг. Зогсоохгүй байгаа тул арга ядаад цагдаад хандав" хэмээн цахим хуудсаараа мэдэгджээ.

З.Энхболдын УИХ-ын чуулганы үеэр хэлсэн үгэнд дургүйцсэн М.Наранбаатар хэвлэлийн бага хурал зохион байгуулж, мөн телевизийн шууд ярилцлагын үеэр З.Энхболд "Намайг ажлаа өгөх үү, шоронд орох уу гэж сүрдүүлсэн. Сонгуулийн үеэр өрсөлдөгч нараа муулсан нэвтрүүлгийг МҮОНРТ-ийн эфирээр цацахыг шаардсан" гэх зэргээр хариу тайлбар хийсэн юм.

Ж.МАРАЛ