Оны өмнөхөн Хятад улсын хилээр Хойд Солонгосын цэрэг нэвтэрч, Хэйлун тосгонд хүрчээ. Тэрээр тосгоны айлуудаар орж, мөнгө болон хоол хүнс хулгайлсан байна. Түүнийг Түмэн голын ойролцоо явж байхад Хятадын цэргүүд баривчилжээ. Энэ хэргээс үүдэн хоёр орны харилцаа таарамжгүй болох нь гэсэн хардлага олон улсын хэвлэл мэдээллийн хэрэгслүүдээр цацагдаад эхэлжээ.

Хэрэгтнийг баривчилсан газар болох Түмэн гол нь Хятад, Хойд Солонгосын хилийг зааглан оршдог. Хойд Солонгосоос хилийн энэ бүсээр дүрвэгчид олноор баригддаг байна. Хятадын Гадаад хэргийн яам энэ хэргийн талаар нарийн мэдээлэл өгөхөөс татгалзан, зөвхөн хэрэгтэй холбоотой эсэргүүцлийн бичгээ Хойд Солонгосын Засгийн газарт хүргүүлээд байгаа тухай мэдэгджээ.

Т.БАТСҮРЭН