“Charlie Hebdo” сэтгүүл Мухаммедын зургийг дахин нийтэлжээ
Өнгөрөгч лхагва гарагт зэвсэглэсэн алан хядагчид Францын “Charlie Hebdo” сэтгүүлийн байр руу халдан 12 хүний амийг хороож, 11 хүнийг шархдуулсан билээ. “Charlie Hebdo” сэтгүүл нь Исламын шашинтнуудын зөнч Мухаммедыг шоглосон хошин зургийг нийтэлж байсан нь ийнхүү халдлага үйлдэх гол шалтгаан болсон юм.
Тус сэтгүүл нь халдлагад өртөж олон ажилчнаа алдсан ч үйл ажиллагаагаа үргэлжлүүлж энэ долоо хоногт багтаан шинэ дугаараа хэвлүүлнэ хэмээн мэдэгдээд байсан. Харин өнөөдөр тус сэтгүүл шинэ дугаарынхаа нүүрний зургийг олон нийтэд албан ёсоор танилцуулжээ. Сэтгүүлийн нүүрний зураг дээр гартаа “Би Шарли байна” гэсэн бичиг барьсан уйлж буй зөнч Мухаммедыг дүрслээд, дээр нь “Бүгд өршөөгддөг” хэмээн бичсэн байна.
Д.ТҮВШИН
Сэтгэгдэл
ZAP [202.131.228.66] 2019-12-12 09:52:01
ZAP [202.131.228.66] 2019-12-12 09:52:00