Мэдээлэл технологийн үндэсний паркаас 16-25 насны хөгжлийн бэрхшээлтэй залууст зориулан мэдээлэл технологийн мэдлэг боловсрол, дадлага олгох зуны сургалт явуулах юм байна. Сургалт ирэх наймдугаар сарын 3-аас эхлүүлэн 10 хоног үргэлжилнэ. Тус сургалтад АДРА-МОНГОЛ олон улсын байгууллагын боловсролын хөтөлбөрт хамрагдсан бүртгэлтэй 30 хүнд үнэ төлбөргүй мэдлэг олгох аж. Ерөнхий боловсролын сургуульд боловсрол эзэмшээгүй, танхимын сургалтаар сурч боловсрох боломжгүй, сургууль завсардсан хөгжлийн бэрхшээлтэй, эмзэг бүлгийн хүүхэд залуусыг энэхүү сургалтаар дэмжин ажиллах юм байна. Түүнчлэн цахим боловсролыг бүх нийтэд эзэмшүүлэх үүднээс компьютерийн мэдлэг олгох зуны сургалтыг жил бүр зохион байгуулж ирсэн. Энэ удаагийн зуны сургалтыг АДРА-МОНГОЛ олон улсын байгууллагатай хамтран зохион байгуулна” гэлээ.

Б.ГЭРЭЛ