Паркинсоны өвчтэй хүмүүст зориулан үзэг бүтээжээ
Лондонгийн Эзэн хааны коллежийн оюутнууд паркинсоны өвчтэй хүмүүст зориулан чичиргээт үзэг зохион бүтээжээ. Инженер, дизайны баг хамтран “Micrographia” гэх энэхүү чичиргээт үзгийг зохион бүтээн туршиж буй юм байна. Багийн гишүүн Люси Жун хэлэхдээ “Энэ бол паркенсоны өвчтэй хүмүүст тун чухал хэрэгтэй үзэг. Тэдний хувьд нийгмийн оролцооноос холдож, хүссэн зүйлээ бичихэд төвөгтэй байдаг. Тиймээс бидний туршиж буй энэ үзэг тэдний хэрэгцээ, шаардлагад нийцнэ гэж найдаж байна” гэжээ.
Паркенсоны өвчин гэдэг нь гар болоод бие салгалах өвчин бөгөөд алхах гишгэхэд ч хүртэл бэрхшээлтэй байдаг аж. Тархин дахь импульс дамжуулах үүрэгтэй дофамин нэртэй бодисын ялгаралт доголдсоноос болж паркинсоны өвчин үүсдэгийг эрдэмтэд тогтоожээ. Энэ нь ховор төрлийн өвчин боловч 60-аас дээш насны 100 хүн тутмын нэг нь тус өвчнөөр өвчлөх магадлалтай байдаг аж.
Т.БАТСҮРЭН
Сэтгэгдэл