Өнгөрсөн бямба гаригт Балба улсад эхний удаад нийслэл Катмандугаас баруун хойш 80 км-ын зайд орон нутгийн цагаар 11:41 цагт 7.9 магнитудын хүчтэй газар хөдөлсөн байна. Дараа нь 12:15 цагт 6.6 магнитудын хүчтэй 10 км-ын гүнд, гурав дахиа 21:56 минутад 5.3 магнитудын хүчтэй хөдөлсөн юм. Их хэмжээний хор хохирол амсаад байгаа тус улсад олон улсын тусламжийн цуваа ирсээр байна. Өнөөдөр Балбын цэргүүд газар хөдлөлтөнд нурсан барилгын нуранги дороос дөрвөн сартай нярайг гаргажээ. Нуранги дор 22 цагийн турш тэмцсэн бяцхан охин хүнд бэртэл гэмтэлгүй байгаа талаар CNN мэдээлжээ.

Э.БҮҮВЭЙ