"Форбес" сэтгүүлээс 2015 оны хамгийн их ашиг орлоготой 100 тамирчныг нэрлэжээ. Энэхүү жагсаалтыг 2014 оны 6-р сарын 1-нээс 2015 оны 6-р сарын 1 хүртэлх ашиг орлогоор нь тооцож гаргасан байна.

Тамирчдын нийт орлого 3.2 тэрбум ам.доллар байгаа нь өнгөрөгч оныхоос 17 хувиар өссөн үзүүлэлт аж. Өнгөрсөн сард түүхэн дэх хамгийн үнэтэй тулаан хийсэн Floyd Mayweather, Manny Pacquiao нар 460 сая ам.долларын ашиг олжээ. Шагналын мөнгө, зар сурталчилгаа нийлээд тэдний орлого 836 сая ам.доллар болж буй юм байна.

Ашиг орлогоороо тэргүүлсэн 100 тамирчин 10 өөр төрлийн спортын тамирчид бөгөөд тэдний 27 нь бэйсбол, сагсан бөмбөг 18, америк хөлбөмбөг 16, хөлбөмбөг 15, гольф 6, уралдаан 6, бокс 3, газрын теннис болон бусад спортын төрлийн 7 тамирчин аж.

Э.ЭНХ-ЭРДЭНЭ