Орон сууцны үнэ 5.4 хувиар буурчээ
Үл хөдлөх хөрөнгийн Тэнхлэг зууч компани 2015 оны тавдугаар сарын “Орон сууцны үнийн индекс”-ийн (ОСҮИ) судалгааг олон нийтэд танилцууллаа. Тус судалгаагаар ОСҮИ тавдугаар сард 16.8 хувьтай гарчээ. Энэ нь өмнөх сараас 0.2 хувь өссөн үзүүлэлт аж. Харин оны эхэн үетэй харьцуулахад -1.8 хувь, өнгөрсөн оны мөн үетэй буюу 12 сарын өмнөхтэй харьцуулахад -5.4 хувиар буурсан байна. Шинэ орон сууцны үнийн индекс 26.7 хувьтай гарч, өмнөх сараас 0.4 хувиар буурлаа. Харин хуучин орон сууцны индекс 10.0 хувьтай гарсан нь өмнөх сараас 0.6 хувь, оны эхэн үеэс 5.3 хувь, өмнөх оны мөн үеэс 9.8 хувиар буурсан үзүүлэлт юм.
Б.ГЭРЭЛ
Сэтгэгдэл