Өвөрмонголчууд 120 сая үгтэй “Монголын уран зохиолын түүвэр” ном бүтээж байна
Өвөрмонголын нийгэм, шинжлэх ухааны академиас нийт 120 сая үгтэй “Монголын уран зохиолын түүвэр” номыг 2024 онд бэлэн болгохоор ажиллаж буй талаар эх сурвалж мэдээлэв.
Энэхүү түүвэрт 1225-1453 оны хооронд монгол бичгээр зохиогдсон бүх ном судар, модон барын хэвлэлийг нэгтгэх бөгөөд хууль цааз, уран зохиол, анагаах ухаан, боловсрол, цэрэг зэвсгийн эрдэм зэрэг ангилалтай байх аж.
Эрдэмтэд Монголын хамгийн том, цогц, үр бүтээл бүхий уран зохиолын түүвэр бүтээхийг хүсч байгаагийн зэрэгцээ монгол хэлээ хамгаалж, хөгжүүлэн, дэлхийд таниулахыг зорьж буй юм байна. Одоогийн байдлаар тус түүвэр бүтээх ажил 6 хувьтай байгаа ажээ.
Д.ТУЯА
Сэтгэгдэл