Монголын шаазан урлалыг хөгжүүлж яваа цөөн хүмүүсийн нэг болох шаазан урлаач Х.Хадхүү өөрийн бие даасан гурав дахь "Хийморь" нэртэй үзэсгэлэнгээ гаргахаар болжээ.

Энэ удаагийн үзэсгэлэнд уран бүтээлчийн шинээр урлан бүтээсэн бэлэг дурсгал, ахуйн зориулалттай гангар шаазан, керамик бүтээлүүд тавигдах юм байна.

Үзэсгэлэнд тавигдсан эдгээр болон бусад бүтээлүүдийг үзэж сонирхогчид, уран бүтээлчтэй нь ярилцаж тохиролцоод чөлөөтэй худалдан авч болох аж. "Хийморь" үзэсгэлэн энэ сарын 15-нд Үндэсний түүхий музейд олны хүртээл болно.