Америкийн Ben & Aja Blanc нэртэй загварын студи нэгэн өвөрмөц загварын толиуд бүтээсэн нь олон хэрэглэгчийн анхаарлыг татаж байна. Тус студи нь монгол адууны дэл, сүүлний хялгасаар гоёсон толийг Америкийн зах зээл гаргаж борлуулж байгаа аж. Урьд өмнө нь адууны сүүлийг толь хийхэд ашиглаж байгаагүй нь олны анхаарлыг татахаас гадна толийг улам өнгөлөг, чамин хийцтэй болгосныг онцолжээ.

Ингэхдээ тансаг байдлыг илэрхийлэх үүднээс студийн дизайнерууд нь монгол адууны хялгасыг хүний үсний өнгөөр буюу хар, шар болгож будсан байна. “Ben & Aja Blanc” студи толио өнгөрсөн оны арванхоёрдугаар сард АНУ-ын Бостонд зохион байгуулагдсан үзэсгэлэнгийн үеэр өвөрмөц содон толинуудаа анх удаа олны хүртээл болгон толилуулахад олон үйлчлүүлэгчид шимтэн сонирхсон аж. Түүнээс хойш тус толины эрэлт хэрэгцээ нэмэгдэж, улмаар тусгайлан захиалан хийлгэх сонирхол, захиалга илүү нэмэгдсэн байна.

Зохион бүтээгч дизайнерууд нь толио бүтээхдээ Монгол адууны хялгасыг давхарлан ашиглахдаа нэвт гэрэлтсэн тунгалаг шил шиг болоод түүнээс ч илүү өвөрмөц содон зүйл бүтээж болдог гэдгийг тайлбарлан харуулжээ. Адууны хялгасаар цэвэр тунгалаг болоод саарал, боронзон, тоорын өнгөт, шаргал, хар, хүрэл зэрэг өнгөнүүдийн толио чимэглэсэн байна. Тэд толинуудынхаа зургийг өөрсдийн инстаграм хуудаснаа байршуулахдаа “Монгол адууны халгасаар чимэглэсэн гэдгийг онцлохоос гадна “Энэ бол ирээдүйн төгс төгөлдөрт хүрэх онцгой боломж” хэмээх тайлбартайгаар нийтэлжээ.

Нэрний хувьд, тал саран, хар толь, тоорын өнгөт, equus, зэргээр нэрлэсэн аж. Түүнчлэн нэг толь гэхэд л дунджаар 5,200 долларын үнэ өртөгтэй байх бөгөөд цахим хуудсууддаа зарим толины үнэ бол болоод материал, өнгө, хийцээ нээлттэй бичиж сонирхуулжээ.