Билгийн тооллын 17-р жарны “Урвуулагч” хэмээх шороон гахай жилийн Сар шинийн барилдаан энэ сарын 4-ний өдөр “Буянт-Ухаа” спортын ордонд болох юм. Энэ удаагийн барилдаанд улс, аймгийн алдар цолтой 256 бөхийн барилдаж үзэгч олноо баясгана.

Харин сар шинийн бөхийн барилдаанд оролцох бөхчүүдийг Бөхийн өргөөнд өнөөдөр, маргааш хоёр өдөр бүртгэх юм байна. Бүртгүүлэхээр ирсэн бөхчүүд цолны үнэмлэхтэйгээ, өөрийн биеэр ирэх ёстой аж.

1999 оноос эхлэн Монгол бөхийн өргөөнд болж байсан Битүүний барилдаан энэ жил анх удаа “Буянт-Ухаа” ордонд болох гэж байна.