Согтууруулах ундаа хэрэглэсэн үедээ гэрийнхээ хаалга руу буудаж танхайрсан хэрэг гарсан байна. Тодруулбал, энэ сарын 14 өдөр оройн 23:00 цагийн орчимд Сонгинохайрхан дүүргийн аравдугаар хорооны нэгэн байранд оршин суугч эрэгтэй 53 настай иргэн Б нь гэрийнхээ хаалгыг буудсан байна. Тус иргэн согтууруулах ундааны зүйл хэтрүүлэн хэрэглэсэн үедээ гэрийн хаалганы үүдээр согтуу хүмүүс яваад байна гэх шалтгаанаар ийнхүү хаалга руу чиглүүлэн нэг удаа хий буудсан аж.

Цагдаагийн байгууллагын шуурхай утсанд “Манай ах ангийн буугаар хаалга буудчихлаа” гэсэн дуудлага мэдээлэл иржээ. Дуудлагын дагуу шалгахад ОХУ-ын МР/18 ММ 1,62 голчтой буугаар хаалга руугаа нэг удаа хий буудаж танхайрсан байсан аж. Хэргийн газраас алба хаагчид 25 кадр зураг, бууны сум 18 ширхэг, нэг ширхэг хонгио хураан авчээ. Уг хэргийг Сүхбаатар дүүргийн цагдаагийн хоёрдугаар хэлтэст шалгаж байгаа аж.