Эрт сэрэмжлүүлэх хам шинжийн долоон хоногийн мэдээгээр цочмог халууралт, цэврүүт тууралтат өвчний хам шинж 309 бүртгэгджээ. Энэ нь нийт хам шинжийн 43 хувийг эзэлж, өссөн үзүүлэлттэй байгаа аж.

Түүнчлэн өнгөрсөн долоо хоногтой харьцуулахад 120 тохиолдлоор өссөн бол сүүлийн таван жилийн дунджаас 145 тохиолдлоор өссөн байна. Цочмог халууралт, цэврүүт тууралтат хам шинж бүхий өвчний нэг нь гар, хөл, амны өвчин юм. Өвчлөл 1-5 насныхан дунд өндөр байгаа аж.