Энэ сарын 28-ны өдөр өглөөнийн 04:25 цагт зургаан настай хүүг гэрт нь ганцааранг цоожилж үлдээсний улмаас тагтнаас унах гэж байжээ.

Тодруулбал, Нийслэлийн Баянзүрх дүүргийн нэгдүгээр хороонд “Бага насны хүүхэд цонхоор унах гэж байна” гэсэн дуудлага Нийслэлийн онцгой байдлын албанд ирсэн байна. Дуудлагын дагуу Нийслэлийн Аврах ангийн найман алба хаагч, хоёр автомашинтай 8.5 км замыг туулан 04:44 цагт очиж, эрэгтэй зургаан настай Э-г гэрт нь цоожлон явсан байсныг тагтаар дамжин гэрт нь орж, алба хаагчид аюулгүй болгон цагдаагийн байгууллагад шилжүүлэн өгчээ.

СЭРЭМЖЛҮҮЛЭГ: Эцэг эхчүүдэд хүүхдээ харгалзах хүнгүй гэрт нь үлдээхгүй байх, гэр орон сууцныхаа галын аюулгүй байдлаа хангахыг нийслэлийн Онцгой байдлын газраас онцгойлон сэрэмжлүүлж байна.