Нийслэлийн мэргэжлийн хяналтын газар 2019 оны төлөвлөгөөт шалгалтаа үргэлжлүүлж байна. Энэ удаагийн шалгалтаар Баянгол дүүргийн Нарны хороололд байрлах “Жананаран” ХХК-ний эмнэлэгт шалгалт хийхэд тусгай зөвшөөрөлгүйгээр ор бүхий эмнэлэг нээн, үйлчлүүлэгчдийг хэвтүүлэн эмчилж байгаа зөрчил илэрлсэн гэв. Илэрсэн зөрчлийг үндэслэн тус эмнэлэгт холбогдох хуулийн заалтаар Зөрчлийн хэрэг нээж, арга хэмжээ тооцохоор ажиллаж байна.

Мөн Баянгол дүүргийн 13 дугаар хороонд үйл ажиллагаа явуулж байгаа “Бичил” цайны газрын үйл ажиллагаанд улсын байцаагчдын хамтарсан шалгалт хийж, хуульд заасан зохистой дадал нэвтрүүлээгүй зөрчилд Зөрчлийн тухай хуулийн тусгай ангийн 6,15 дугаар зүйлийн 5.2 дах заалтыг үндэслэн иргэн П-д шийтгэл оногдуулан, эрх бүхий албан тушаалтны албан даалгавар хүргүүлэн ажиллаж байна.

Түүнчлэн тус дүүргийн 20-р хороонд байрлах “Нууц увидас рашаан” ХХК-ний эмнэлэгт шалгалт хийж, илэрсэн зөрчлийг үндэслэн Зөрчлийн тухай хуулийн холбогдох заалтаар их эмч Р.А-ийн эмчлэх эрхийг гурван сарын хугацаатай хасаж, торгууль ноогдуулан, гомдол гаргагч иргэнд нөхөн төлбөр эмчилгээний зардлыг олгуулахаар шийдвэрлэж, 100% барагдуулж ажиллалаа гэв.