Өмнөд Солонгост энгийн шалгалтын явцад агаараас эсэргүүцэн хамгаалах пуужин хөөргөсөн ноцтой хэрэг болжээ. Гэхдээ пуужин хөөргөсний улмаас хохирсон хүн байхгүй гэж Батлан хамгаалахын яамнаас авсан эх сурвалжтайгаар Ёнхап агентлаг мэдээллээ.

Энэ явдал гуравдугаар сарын 19-нд орон нутгийн цагаар 10:38 цагт болсон байна. Сөүлээс 85 километр зайд байрлах Чхунчон дахь агаарын цэргийн хүчний цэргийн баазын мэргэжилтэн агаараас эсэргүүцэн хамгаалах системийн төлөвлөгөөт шалгалт хийх үеэр Чхонгын загварын байлдааны нэг пуужин хөөрчээ. Пуужинг бай чиглүүлэн хөөргөөгүй бол өөрийгөө устгадаг байхаар программчилсан бөгөөд улмаар үүний дагуу санаандгүй хөөрсөн пуужин хэдхэн секундын дараа дэлбэрсэн байна. Энэ хэргийн улмаас хүний амь нас, эрүүл мэнд, эд материалд хохирол учраагүй гэж эх сурвалж мэдээллээ.

Энд дуулгахад, Чхонгын пуужин нь 40 хүртэлх километрийн өндөрт агаарын бай устгах зориулалттай. Анх сургалтын зорилгоор 2017 онд хөөргөж байсан. Тэр үеэс хойш олон зуун пуужин байлдааны жижүүрийн байдалд байдаг гэнэ.

Б.АНАНД