БНАСАУ-ын удирдагч Ким Жон Ун Ханойд АНУ-ын Ерөнхийлөгч Дональд Трамптай хийсэн амжилтгүй уулзалтын дараагаар Оросоос дэмжлэг авахын тулд тус улсад айлчлахаар төлөвлөж байгаа гэнэ. Энэ талаар Тагнуулын төв газрын Солонгосын хөтөлбөрүүдийн төвийн дарга асан Эндрю Ким мэдэгдснийг Өмнөд Солонгосын The Dong-a Ilbo сонин мэдээллээ.

“Дээд хэмжээний уулзалт бүтэлгүйтсэн энэ үед Москватай нягт харилцаа холбоотой гэдгээ харуулахын тулд Ким Жон Ун Орос руу явахаар хичээж байгаа” хэмээн Эндрю Ким Сөүлд болсон хаалттай лекцийн үеэр мэдэгдсэн байна.

Түүнчлэн БНАСАУ болон ОХУ-ын харилцаа ихээхэн эрчимчиж байгааг эх сурвалж онцолсон учир нь энэ оны гуравдугаар сард гэхэд л Хойд Солонгосын өндөр албан тушаалын дипломатууд Москвад гурвантаа айлчилсан мэдээ бий.

Б.АНАНД