Вьетнамын Кантхо хотын ардын шүүх Ле Минь гэх эрийг олон нийтийн сүлжээнд төрийн эсрэг ухуулга хийсэн хэрэгт буруутган, хоёр жилийн хорх ял оноожээ.

Өдгөө 56 настай блогчнийг улсын ашиг сонирхолд хор хохирол учруулсан гэм буруутай гэж шүүх үзэн, Вьетнамын Эрүүгийн хуулинд заасан “төр, байгууллага, иргэдийн хууль ёсны эрх ашгийг хохироох зорлгоор эрх чөлөө, ардчиллыг буруугаар ашигласан” гэсэн заалтаар хорих ял оноожээ.

Эх сурвалжийн мэдээлснээр, Ле Минь Тхе 2018 оны гуравдугаар сарас наймдугаар сарын хооронд Вьетнамын эрх баригч Коммунист нам, Засгийн газрын үйл ажиллагааг шүүмжлсэн, түүх болон өнөөгийн бодит байдлыг гуйвуулсан материалуудыг Фейсбүүк хуудсандаа нийтлэсэн гэж яллах дүгнэлтэд дурдсан байна. Түүнчлэн Вьетнам дахь социалист нийгмийн эсрэг байгаагаа илэрхийлэн, социалист дэглэмийг татан унагахыг уриалж фейсбүүк хуудсандаа шууд дамжуулалт хийжээ. Шүүх хурлын үеэр блогчин гэм буруугаа хүлээн зөвшөөрсөн гэнэ.

Дашрамд дуулгахад, Вьетнамыг цахим орчин дахь тэрс үзэлтнүүдийн эсрэг хэт хатуу арга хэмжээ авдаг гэж олон улсын хүний эрхийн байгууллагууд буруутгадаг. Харин Вьетнам үүнийг няцаадаг бөгөөд гагцхүү төрийн эсрэг сурталчилгаа болон өнөөгийн төрийн байгууллыг татан унагахыг уриалсан хэрэгт шийтгэл ноогдуулах тухай заалт бүхий Эрүүгийн хуультай үйл ажиллагаа нь зөрчилдсөн блогчдыг л хариуцлагад татдаг хэмээн мэдэгддэг юм.

Б.АНАНД