Энэ сарын 21-ны өдөр шүүгч хуралд оролцож буй иргэний өмгөөлөгч авах, өмгөөлүүлэх эрхэд халдаж, хуул эрх зүйн байдлаар нь дордуулсан тухай мэдээлэл цацагдав. Тодруулбал, өчигдөр өмгөөлөгч Б Нийслэлийн давж заалдах шатны шүүхэд иргэн Ч-г төлөөлөн гарын үсэгтэй албан бичгийг нь авч, хуралд оролцохоор очиход Нийслэлийн давж заалдах шатны шүүхийн нэр бүхий гурван шүүгч өмгөөлөгч Б-г шүүх хуралд оруулаагүй аж. Эрх зүйн туслалцаа үзүлэх үүрэгтэй шүүх бүрэлдэхүүн иргэн Ч-гийн өмгөөлөл авах эрхэд халдсан талаар танхимд сууж байсан өмгөөлөгч өөрийн цахим хуудаснаа нийтэлжээ.

Өмгөөлөгч авах гэсэн иргэний хүсэлтийг шүүх бүрэлдэхүүн иргэн Ч-гийн гарын үсэг биш гэх шалтгаанаар ийнхүү хуралд оруулахгүй гэдгээ хэлсэн байна.

Шүүгчид иргэдийн өмгөөлөгч авах эрхэд ноцтой халдаж өмнө нь гарч байсан билээ. Эргэн сануулбал, ЗГХЭГ-ын дарга асан Г.Дэнзэн хорих 461 дүгээр ангид хоригдож байхдаа өмгөөлөгч Б-г өмгөөлөгчөөрөө оролцуулна хэмээн албан бичиг илгээгээд явуулахад шүүгч өмгөөлөгч авах эрхэд нь халдаж, өмгөөлөгч Б-г олны өмнө чирч гулдчин, хөөж шүүх танхимаас гаргаж байсан юм.

Үндсэн хуулиар заагдсан иргэн өөрийгөө өмгөөлөх, өмгөөлөгч авах, гэм буруугүйгээ нотлох эрхэд шүүх байгууллага халдсан тохиолдол дахин гарсан байна.