Хятадад болсон химийн үйлдвэрийн дэлбэрэлтийн улмаас амиа алдсан хүмүүсийн тоо 47 болж өссөн талаар china.org.cn мэдээллээ.

Түүнчлэн 32 хүний биеийн байдал маш хүнд, 58 хүний биеийн байдал хүнд байгаа гэнэ.

Эх сурвалжийн мэдээлснээр дэлбэрэлтийн бүсээс 4000 хүнийг нүүлгэн шилжүүлснээс 3000 хүн нь үйлдвэрийн ажилтнууд, үлдсэн нь нутгийн оршин суугчид юм байна. Түүнчлэн сургууль, цэцэрлэгүүдийн хичээлийг зогсоожээ.

Энд дуулгахад, Хятадын дорнод хэсэгт байх “Цзянсу Тяньцзяи” химийн үйлдвэрт маш хүчтэй дэлбэрэлт болж, энэ дэлбэрэлтийн улмаас 2.2 магнитудын хүчтэй газар хөдлөлт болсон байна. Одоогоор дэлбэрэлтээс үүдэлтэй гал түймрийг бүрэн унтраасан бөгөөд аврах ажиллагаа үргэлжилж байгаа гэнэ. Гал унтраах болон аврах ажиллагаанд нийтдээ 930 аврагч ажиллаж байгаа юм байна.

“Цзянсу Тяньцзяи” үйлдвэр 2007 онд байгуулагдсан, голчлон химийн түүхийн эд үйлдвэрлэдэг юм байна.

Б.АНАНД