Баянхошуу бүсийн аварга шалгаруулах “Үсчин” тэмцээнийг анх удаа зохиолоо

Админ / Нийслэл

Сонгинохайрхан дүүргийн 8, 10, 11, 28 дугаар хороодын дунд Баянхошуу бүсийн аварга шалгаруулах “Үсчин” тэмцээнийг УИХ-ын гишүүн Д.Сумъяабазарын санаачилга дэмжлэгтэйгээр энэ сарын 22-ны өдөр зохион байгууллаа.

Монголын Үсчин гоо засалчдын холбоо /МҮГЗХ/-той хамтран анх удаа зохион явуулсан тус тэмцээнд 29 мэргэжлийн үсчин

-Эрэгтэй засалт

-Эмэгтэй салоны тайралт

-Эрэгтэй спорт үс засалт

-Эмэгтэй сэнсээр хэлбэр оруулж засах гэсэн 4 төрлөөр ур чадвараа сорин өрсөлдлөө. Оролцогчдыг төрөл тус бүр дээр 3 байрт шалгаруулан, гарын бэлэг, мөнгөн шагналаар урамшуулж, мөн оролцсон бүх үсчид болон манекануудад гишүүний гарын бэлгийг гардууллаа.

Тэмцээний ерөнхий шүүгчээр МҮГЗХ-ны тэргүүн, олон улсын шүүгч Ц.Цогзолмаа ажиллаж, мөн Монгол Улсын мастер үсчин Ө.Батцэцэг, Н.Ира, “Абука” сургалтын төвийн мастер багш П.Рагчаадорж, СХД-ийн Үсчин гоо засалчдын холбооны дэд тэргүүн Г.Алтанзул, “Сондор” салоны захирал, Азийн аварга шалгаруулах тэмцээний хүрэл медальт үсчин Х.Баасансүрэн нар шүүн явууллаа.

Шүүгчдийн зүгээс хэдийгээр захын хороолол ч гэлээ оролцогчдын ур чадвар сайн, өрсөлдөөн ихтэй болж байгааг тэмцээний үеэр онцлон хэлж байв. Энэ удаагийн тэмцээнд мэргэжлээрээ 34 жил ажилласан үсчин оролцож, залуучуудтайгаа ур чадвараа сорин “Эмэгтэй сэнсээр хэлбэр оруулж засах” төрөлд тэргүүн байр эзэлсэн нь олны анхаарлыг татаж байв.

image


Сэтгэгдэл

янжин [202.9.42.239] 2019-03-26 00:17:27

Үсчний тэмцээн явуулж байгаа нь бахархууштай одоо үсчин залуучууд их болжээ эдгээр залуучуудын нийгмийн баталгаа бодож НДД-н дэвтэр нээлгэж тѳллүүлэх хэрэгтэй ш дээ хожим нь энэ залууст хэрэгтэй шүү!!!


1 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
1 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.