Бээжингийн Цинхуа их сургууль БНХАУ-ын дарга Ши Жинпинийг шүүмжилсэн нэгэн профессорын багшлах эрхийг нь түдгэлзүүлсэн тухай The new York Times мэдээлжээ.

Эх сурвалжийн мэдээлснээр, эрхзүйн баш Сюй Чжанжуныг гуравдугаар сарын 25-аас эхлэн хичээл заахаа зогсоохыг шаардан, цалингийнх нь хэмжээг эрс бууруулсан байна. Одоогоор профессорын ажилладаг их сургуульд тусгайлан байгуулагдсан комисс түүний шүүмжлэлт нийтлэл дээр онцгой анхаарал хандуулан, шалгах ажиллагаа явуулж байгаа гэнэ. “Муугаар бодоход би шоронд хоригдож магадгүй” хэмээн Сюй профессор ярьжээ.

Сюй Чжанжун профессор Ши Жинпинийг шүүмжилсэн цуврал нийтлэл 2018 онд гаргасныхаа дараа ихээхэн алдаршсан юм. Тэрбээр энэ нийтлэлдээ БНХАУ-ын дарга удирдлагын автортар арга барилтай бөгөөд энэ нь улс орныг сүйрэлд хүргэж мэднэ хэмээн шүүмжилжээ.

Профессорын нийтлэлүүд Financial Times сайтын Хятад хувилбар дээр ихэвчлэн нийтлэгдэж байсан гэнэ. Нийтлэлийн зарим хэсгийг хааж, цензур тавигдаж байсан ч профессорын нийтлэлүүд Хятадын иргэдийн дунд ихээхэн тархсан байна.

Энд дуулгахад, Ши Жинпин БНХАУ-ыг удирдах хугацаанд тус улсад оюуны бүтээлд тавигдах хяналт ихээхэн чангарсан юм.

2018 оны зургаадугаар сард Хятад дахь НВО телевизийн сувгийн сайт Ши Жинпиний талаар хошигносны улмаас хаагдаж байлаа. Тухайн үед түүнийг “доод хонгилдоо 800 мянган хүнийг хорьж байдаг аймаар ах” хэмээн хошигнож, Винни Пухтай зүйрлэсэн нь интернетийн цензурыг зөрчсөнд тооцогдож байлаа.

Б.АНАНД