БНСУ-ын иргэний агаарын тээврийн компани болох “Korean Air”-ийн Ерөнхийлөгч Чо Ян Хо өвчний улмаас АНУ-д эмчилгээ хийлгэж байхдаа таалал төгссөн талаар Korea Times мэдээллээ. Тодруулбал, тэрбээр уушгины хүнд өвчтэй байсан бөгөөд өвчнөө даалгүй 70 насандаа хорвоог орхисон гэлээ.

Чо Ян Хо нь өөд болохоосоо хоёр долоо хоногийн өмнө өөрийн удирддаг “Ханжин” группын ТУЗ-өөс гишүүнчлэлээ хасуулсан бөгөөд түүнийг татвараас зайлсхийсэн, компанийн хөрөнгийг их хэмжээгээр хувьдаа завшсан, эхнэр нь ажилчдын биед хүрч дарамталсан, охид нь мөн ажилчидтай ёс зүйгүй харилцаа үүсгэсэн зэрэг олон асуудлууд нь ТУЗ-өөс хасагдах шалтгаан болсон хэмээн таамаглаж байна.